Total Mayhem: Lady Gaga në prime-n e saj! Si të blini biletat për 2026?

*ky shkrim këshillohet të lexohet me playlistë të Gagas në sfond për efekt të plotë

 

 

Nëse mendoni që unë jam me fat, nuk dini historinë e laptopit tim.

Ka udhëtuar Tiranë – Stockholm, pastaj është nisur për në Vienë drejt Tokyos, më pas ka bërë trion e qyteteve Kyoto – Osaka – Hong Kong e më pas pushoi në Lyon. Udhëtoi me qëllimin të përdorej, por përfundoi duke mos u ndezur kurrë dhe në të gjithë këtë muaj është i vetmi që ka pushuar dhe nuk ka harxhuar lekë (hahah!).

E di që kam munguar, por rikthehem me një lajm të mirë. Përveçse do t’ju flas për udhëtimin në Stockholm për të parë Lady Gaga, mund t’ju them që ajo do të rikthehet vitin tjetër në turne në Evropë dhe më poshtë do t’ju rendis të gjitha arsyet pse duhet ta shënoni në “to do list” dhe të mos e humbni.

Brenda këtij muaji, Gaga pritet të lajmërojë versionin deluxe të albumit hit Mayhem dhe segmentin e dytë europian të turneut. Ndryshe nga ky vit, vitin e ardhshëm Gaga pritet të shkojë në stadium dhe jo në arena, pra më shumë mundësi për të kapur biletat tuaja dhe qytet që priten të shtohen në kalendar janë Londra, Liverpul, Paris, Varshavë, Duseldorf, Vienë, Athinë dhe Milano.

Unë do t’ju sugjeroja Parisin sepse stadium në të cilin Gaga pritet të ndalojë, Stade de France ka një strukturë që të lejon të kesh një pamje shumë të mirë edhe në vendet më të largëta. Përveç kësaj, është më i thjeshtë për të hyrë dhe për të dalë në sajë të numrit të madh të portave. Nëse arrini të gjeni hotel në zonën e Saint Denis, do të jeni të përkëdhelurit e Zotit. Por për këtë mund t’ju ndihmojë Zenith Travel me udhëtimet më ekonomike dhe me gjetjen e hotelit.

 

MAYHEM BALL TOUR – review

 

Eksperienca që kisha në Stockholm është një nga 2 eksperiencat më të mira që kam pasur në koncerte; akomodimi 10/10, transporti 10/10, vendi në arenë 10/10.

Bileta që kisha prenotuar unë ishte paketë e ofruar nga site-i i Avicii Arena dhe jo nga Ticketmaster dhe përfshinte pritje të dedikuar veçmas nga pjesa tjetër e arenës, darkë me 8 pjata dhe pije shoqëruese, qëndrim pas përfundimit të koncertit dhe ulëse në zonë të dedikuar. Të je mi sinqertë unë u habita më shumë se ju se kisha përtuar të lexoja përshkrimin dhe isha mjaftuar që vetëm kisha blerë biletën.

Koncertin unë, ashtu sikurse kanë bërë edhe The Guardian, The Telegraph, Independent, e të tjera media, do ta vlerësoja me 100/100 – a perfect score!

I gjithë koncerti është konceptuar në përballjen e vetes me alteregon, Lady Gaga VS The Lady Mayhem. I frymëzuar nga Phantom of the Opera, skenografia ngjan me shtëpinë e një teatri gotik opere.

Hyrja e koncertit është një nga hyrjet më rrënqethëse që do të mund të shihni në një koncert.

Koncerti nis me hitin e tiktok, “Bloody Mary” për të kaluar më pas në “Abracadabra”/“Judas”/“Aura”/”Scheibe” – një nga kalimet më spektakolare të këngëve nga njëra të tjetra, të cilat kalojnë aq “smooth” sa duket sikur të katra janë një këngë e vetme.

Më pas ngjyra e kuqe ja le vendin ngjyrës së gjelbër për “Garden of Eden” e më pas skena transformohet në një skenë shahu për “Poker Face”. Në një transition nëpërmjet remixit të Gesaffelstein, skena shndërrohet në një varrezë gjigande për “Perfect Celebrity” dhe “Disease”.

E veshur me helmet hekuri dhe me paterica, Gaga del nga varreza për të performuar një version baladë të “Paparazzi” me një tribute për komunitetin queer.

Pas një serie fikjesh dhe ndezjesh të blitzave të kamerave, Gaga del nga skena për të performuar “LoveGame”  e më pas për t’u ngjitur në muret e shtëpisë gotike për të performuar “Alejandro” dhe “The Beast”. Më pas, “Killah”, “Zombieboy”, “Dead Dance” dhe “LoveDrug” do të përformohen nga albumi i ri për t’i lënë vendit këngës fan-favorite “Applause”, e cila pasohet nga hiti debutues “Just Dance”.

Kënga e frymëzuar nga Michael Jackson, “Shadow of a Man” do të pasojë aktin e katërt, bashkë me “Kill For Love”, “Summerboy”, “Born This Way”, e më pas për t’u ngadalësuar me baladat hit “Shallow”, “Die With A Smile” e nëse do të jeni me fat, dy prej këngëve tuaja të preferuara mund të këndohet si këngë surprizë – por unë nuk qëllova me fat.

Akti i katërt mbyllet më “Vanish Into You”, ku Gaga zbret dhe takohet me fansat na zonat afër skenës – prandaj nëse dëshironi të jeni front row ky është koncerti ku mund të dilni të fituar.

Akti final mbyllet me hitin ikonik të dekadës që lamë pas “Bad Romance”, në të cilin digjet e gjithë skena, për të pasur me Gagan në backstage, e cila teksa heq të gjithë veshjen skenike dhe make upin performon “How Bad Do U Want Me”. Për ta mbyllur koncertin, e gjitha skuadra ngjitet në skenë dhe përshëndeten më një këngë shumë të rastësishme.

 

Për ta përmbledhur akoma më shumë, koncerti është i paketuar më hite, i përgatitur me elementë surprizë, përgatituni të shihni shumë prindër me fëmijë, është i ndërtuar si asnjë koncert tjetër i Lady Gagas, i gjithë orkestrimi i këngëve të jep idenë e një koncerti-musical tepër ikonik për të mos u humbur.

Seksioni i 4 baladave në aktin  e parafundit është i vetmi moment kur mund te uleni sepse pjesën tjetër të koncertit do të jeni në këmbë. E guximshme, e çmendur, “woke” – do të thonin të djathtët ekstremë, energjike dhe mbi të gjitha; e vetdijshme për çfarë publiku ka ardhur.
Nuk ka rëndësi ku je ulur sepse çdo vend në arenë të jep një shije të të gjithë spektaklit.

“Si të gjejmë biletat?” do të thoni ju. Është luftë. E vërtetë hahah! Por është një luftë që mund të fitohet.

Gjëja e parë që duhet të bëni është të bëni subscribe në faqen online të Lady Gagas (kliko këtu).

Në momentin e lajmërimit zyrtar të datave, piketoni datën dhe vendin e saktë ku doni të shkoni dhe shkoni në faqen zyrtare të LiveNation dhe Ticketmaster të atij shteti që doni të vizitoni. Krijoni një llogari zyrtare. Bëni subscribe për lajme dhe oferta.

!Kujdes!

Ticketmaster do t’ju kërkojë numrin tuaj për t’ju dërguar kodin e regjistrimit, por jo të gjithë shtetet lejojnë numra nga Shqipëria. Pra, nëse dëshironi ta shihni në Spanjë, në Ticketmasterin spanjoll duhet të regjistroheni me një numër tjetër përveç atij shqiptar.

Më pas, në ditën e daljes së biletave në pre-sale, zgjohuni dy orë para hahahah. Hynin ë faqen e Ticketmaster dhe nisni të mbani rradhën edhe pse është herët. Kush vjen i pari, shërbehet i pari.

Nëse nuk arrini të kapni bileta në fazën e pre-sale mos u panikosni sepse mund të keni mundësi në general sale që hapet 1 ose 2 ditë pas pre-sale.

Gjithashtu, lexoni në lajmërimin zyrtar të turneut edhe për faqe të tjera zyrtare siç mund të jenë faqet e stadiumeve përkatëse. Psh, unë biletat e koncertit të Beyonce për Cowboy Carter Tour nuk i kam blerë në faqen e Ticketmaster, por në faqen e Stade de France.

Në faqet e stadiumeve mund të keni edhe paketa premium, siç është ajo që mora unë për në Stockholm, ku me çmim të arsyeshëm mund të merrni një eksperiencë më të plotë.

Por në fund, mos e humbni shpresën dhe mos iu dorëzoni Viagogos! Hahahah!